Шығыс Қазақстан облысы Тарбағатай ауданы
Маңырақ ауылы Жалғас сәби балабақшасының тәрбиешісі
Мұқаева мөлдір Бауыржанқызы
Тақырыбы: "Мақта қыз бен мысық"ертегісі
Білім беру саласы: Қатынас
Бөлімі: Көркем әдебиет
Тақырыбы: Мақта қыз бен мысық
Мақсаты: Балаларды ертегі мазмұнымен таныстыру.Қоршаған орта жайлы білімдерін кеңейту.
Адам бойына жат қасиет тілазарлықтан аулақ болып, кешірімді болуға тәрбиелеу.
Ойлау,есте сақтау,еске түсіру қабілеттерін қалыптастыру.Ауызекі сөйлеу тілін дамыту.
Әдіс-тәсілдері: сұхбат,әңгіме,ойын,ертегі кеіпкерлерінің суреттері.
Көрнекіліктері: ертегі кейіпкерлері, сыйлықтар
«Шаттық»шеңберін құру.
Қол алысып қане біз ,
Достасайық бәріміз,
Армысың алтын күнім
Армысың балабақшам
Армысың достарым , Сіздерді көргеніме қуаныштымын .
Үлкенге де сіз, кішігеде сіз,
Бәріңізге амандасып,
Басымызды иеміз біз
Балалар, сендер жұмбақ шешкенді ұнатасыңдар ма? Ендеше, жұмбақ шешейік.
Мұртын сипап күн бойы,
Бетiн сусыз жуады.
Тысырды аңдып түн бойы,
Тышқанды көп қуады. (Мысық)
- Балалар, сендер сурет бойынша ертегі тыңдағанды ұнатасыңдар ма? Ендеше, бәріміз мұқият тыңдаймыз .Біз бүгін «Мақта қыз бен мысық» ертегісімен танысамыз.
Мақта қыз бен мысық дос болыпты. Бір күні мақта қыз үй жинап жүріп, мейіз тауып алады.Бөлісіп жемек болып Мақта қыз мысығын шақырады. –Мысығым,мысығым мында кел дейді. Мақта қыз мысығын шақырғанда келмеген соң, мейізді өзі жеп қояды. Біраз уақыттан соң мысық Мақта қызға келеді.
– Мені неге шақырдың?- дейді. Мақта қыз айтпайды.
Мысық: «Айтпасаң, қатығыңды төгемін» – дейді.
Мақта қыз: «Мен құйрығыңды жұлып аламын-« дейді. Сонымен мысық қатықты төгеді, ал Мақта қыз мысықтың құйрығын жұлып алады. Мақта қыз, Мақта қыз құйрығымды берші, - дейді Мысық. Мақта қыз: Менің қатығымды төле дейді. Мысық сиырға барады. Сиыр,сиыр маған қатық берші, -дейді.
Сиыр айтады: «Менің қарным ашып тұр, маған жапырақ әкеліп бер,- дейді.». Мысық терекке барып, «терек,терек жапырағыңды берші »- дейді.
Терек айтады: «Мен шөлдеп тұрмын, су әкелсең жапырақ беремін», - дейді. Суға бара жатса, су әкеле жатқан қыздарды көріп: «Қыздар,Қыздар маған су берші», - дейді.
Қыздар айтады: «Бізге сағыз әкеліп берсең, біз саған су береміз», -дейді. Мысық дүкенге барады. «Дүкенші,дүкенші маған сағыз берші», - дейді.
Дүкенші: «маған жұмыртқа бер» ,-дейді. Мысық тауыққа барады. «Тауық,тауық маған жұмыртқа берші» , - дейді.
Тауықтар айтады: «Бізге дән әкеліп берсең, біз саған жұмыртқа береміз », -дейді.
Мысық: «Енді не қыламын »- деп бра жатса, бір ін қазып жатқан тышқанды көреді. Мысық тышқанды бас салып: «Жаның барыңда айт,үйіңде не бар ?»- дейді.
Тышқан: қатты қорқып кетіп, «үйімде бір қап дән бар »,-дейді.
Мысық айтады: «Маған бір уыс дән бер »,-дейді. Тышқан үйіне барып, бір уыс дән әкеліп береді.
Мысық: Дәнді апарып тауыққа береді, тауық оған жұмыртқа береді.жұмыртқаны апарып дүкеншіге береді,дүкенші сағыз береді, сағызды апарып қыздарға береді,қыздар су береді,суды апарып ағашқа береді, ағаш жапырақ береді,жапырақты сиырға береді,сиыр сүт береді,сүтті Мақта қызға береді. Мақта қыз мысықтың құйрығын қайтарып береді.
Ертегі бойынша сұрақтар: 1. Мақта қыз мысықтың құйрығын неге кесіп алды? 2. Мысық бірінші кімге барып қатық сұрады? 3. Ертегінің соңы қалай аяқталды?
Ойын: «Мысық қайсысынан не алды?»
- Сиырдан- қатық
- Ағаштан – жапырақ
- Қыздардан –су
- Дукеншіден- сағыз
- Тауықтан жұмыртқа
- Тышқаннан – дән алады...
Жарайсыңдар балалар, енді орнымыздан тұрайық. Сергіту жаттығуы: Алма баққа барайық,
Алма теріп алайық.
Ең үлкенін, тәттісін,
Анамызға сыйлайық.
Үстел үсті ойыны: Кейіпкерлерді ретімен орналастыру. Жарайсыңдар, балалар.
Қорытындылау : -- Ертегі не туралы екен?
- Ертегіде қандай кейіпкерлер бар?
- Мақта қыз мысықтың құйрығын неге жұлып алды?
Күтілетін нәтиже:
1.Нені біледі:Ертегі мазмұнын толық жеткізуді біледі
және оны сахналай алады.
2.Қандай түсініктерді игерді:Тілазарлық-жат қасиет
екенін түсінеді.
3.Меңгерген дағдылары мен іскерлігі:Ертегі кейіпкерлерін сомдауды меңгереді.Ауызекі сөйлеу,ойын еркін жеткізу дағдысы қалыптасады.